Mariya Stadnik şəxsi məşqçisini dəyişdirdi

Qadın güləşi üzrə 2 qat dünya və 8 qat Avropa çempionu Mariya Stadnik şəxsi məşqçisini dəyişib.

Bu barədə "Report"a milli komandanın baş məşqçisi Aslan Ağayev məlumat verib. Onun sözlərinə görə, yeni şəxsi məşqçi Orxan Məmmədovdur.

Əvvəllər isə Mariya Stadnik həm də əri olan Andrey Stadnikin rəhbərliyi altında çalışıb. O.Məmmədov isə Azərbaycan Güləş Federasiyasının baş katibidir.

Qeyd edək ki, Mariya Stadnik 8-ci dəfə Avropa çempionu olduqdan sonra "Report"a müsahibəsində bir ara ümumiyyətlə güləşmək istəmədiyini bildirib. Lakin o, konkret səbəb açıqlamayıb.

Orxan Məmmədov