İrina Zaretska: “Polşada kimsə sürpriz edə bilər”

“Polşada kimsə sürpriz edə bilər”.

“Report”un məlumatına görə, bunu jurnalistlərə açıqlamasında Azərbaycanın qadın karateçisi İrina Zaretska Polşada keçiriləcək III Avropa Oyunları ilə bağlı danışarkən deyib.

Turnirdə 68 kq çəki dərəcəsində çıxış edəcək Avropa və dünya çempionu 2015-ci ildən sonra ikinci dəfə Avropa Oyunlarının qalibi olmaq arzusundadır: “Artıq yarışın keçiriləcəyi məkana yollanırıq. Ümid edirəm ki, hər şey yaxşı olacaq. Premyer Liqanın geridə qalan mərhələlərində bir qızıl, bir bürünc medal qazanmışam. Bilirəm ki, Avropa Oyunlarında yüksək reytinqli rəqiblərlə qarşılaşacağıq. Mən bütün gücümlə yarışa hazıram. Polşadan ən yaxşı nəticə ilə dönməyə çalışacağam”.

Qeyd edək ki, III Avropa Oyunları iyulun 2-dək davam edəcək.