Dünya birinciliyinin gümüş mükafatçısı finaldakı məğlubiyyətinin səbəbini açıqlayıb

Dünya birinciliyinin finalındakı məğlubiyyətin səbəbi rəqibin daha hazırlıqlı olması olub.

“Report” xəbər verir ki, bunu Azərbaycanın gənclərdən ibarət milli boks komandasının üzvü Bilalhəbaşi Nəzərov vətənə qayıtdıqdan sonra açıqlamasında bildirib.

“Dünya birinciliyinə yaxşı hazırlaşmışdıq, nəticəmiz də yaxşı oldu. <…> Finalda Özbəkistan idmançısı ilə qarşılaşdım. Finalda, təəssüf ki, uduzdum”, – o qeyd edib.

O, finaldakı məğlubiyyətinin səbəbini də açıqlayıb: “Finala yaxşı hazırlaşmışdıq, amma bu [məğlubiyyət] o demək oldu ki, Özbəkistan idmançısı bizdən də yaxşı hazırlaşmışdı, ona görə də çempion oldu. [Onu] təbrik edirəm”.

Xatırladaq ki, daha əvvəl millinin baş məşqçisi Elbrus Rzayev finaldakı məğlubiyyətləri “hakimlərin bir balaca haqsızlığı” ilə əlaqələndirmişdi.