Yuxarı

Bakıda 42-ci Ümumdünya Şahmat Olimpiadasında V turun görüşləri keçirilib

Yaqub Eyyubov və Azad Rəhimov yığma komandanın üzvləriylə görüşüb

Bakı. 6 sentyabr. REPORT.AZ/ Bakıda keçirilən 42-ci Ümumdünya Şahmat Olimpiadasında V turun görüşləri keçirilib. Bakı Şahmat Olimpiadasının mətbuat xidmətindən "Report"a verilən məlumata görə, bu gün Azərbaycan Respublikasının Baş nazirinin birinci müavini, Bakı Şahmat Olimpiadasının Təşkilat Komitəsinin sədri Yaqub Eyyubov, eləcə də Gənclər və İdman naziri Azad Rəhimov yığma komandanın üzvləriylə görüşüb, onlara uğurlar arzulayıb.

Hesabat turunda kişilərdən ibarət əsas milli komandamız Hindistanla qarşılaşıb. 4 turdan sonra hər iki komanda itkisiz irəliləyir. İkinci komandamız Türkmənistanla, üçüncü yığmamız isə Zimbabve ilə mübarizə aparır. Maraqlıdır ki, daha əvvəl Zimbabve əsas yığmamıza uduzub. Türkmənistan isə üçüncü millimizə qalib gəlib.

Qadınlardan ibarət Azərbaycanın əsas yığmasının rəqibi Almaniyadır. İkinci milli komnanda İspaniyanı, üçüncü komanda isə Özbəkistanı sınağa çəkir.
Qeyd edək ki, sabah olimpiadada istirahət günüdür.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi