Nizami ili ilə bağlı yeni layihə həyata keçirildi

Nizami ili ilə bağlı yeni layihə həyata keçirildi Bakı Şəhər Gənclər və İdman Baş İdarəsinin paytaxtın gənclər evləri ilə birgə layihəsi baş tutub
Fərdi
107
17 May , 2021 12:31
Nizami ili ilə bağlı yeni layihə həyata keçirildi

Bakı Şəhər Gənclər və İdman Baş İdarəsi paytaxtın gənclər evləri ilə birlikdə 2021-ci il - Nizami ilinə həsr olunmuş layihə həyata keçirib.

Bu barədə "Report"a idarənin rəisi Rafiq Abbasov məlumat verib.

O bildirib ki, layihə Prezident İlham Əliyevin imzaladığı müvafiq sərəncama əsasən ərsəyə gətirilib. Bu məqsədlə paytaxtda Nizami Gəncəvinin adını daşıyan 6 məkan seçilib. Gənclər evinin fəalları, üzərlərində Nizami Gəncəvinin "Xəmsə" əsərindən olan libasları geyiniblər. Onlar həmin məkan haqqında tarixi və informativ məlumatlar veriblər.

Abbasovun sözlərinə görə, tədbir feysbuk üzərindən canlı yayımlanıb. Çəkilişlər Nizami metro stansiyası, Nizami Gəncəvi Beynəlxalq Mərkəzi, Nizami küçəsi, Nizami Gəncəvi adına Milli Azərbaycan Ədəbiyyatı Muzeyi, Nizami Gəncəvinin heykəlinin yanı və Nizami adına Mədəniyyət Mərkəzi kimi məkanlarda olub. Məlumatlar zamanı həm də müxtəlif viktorina və xüsusi hazırlanmış suallar canlı yayıma qoşulan gənclərə təqdim edilib. Bunların arasında qaliblər də müəyyənləşdirilib.

Baş İdarə rəisi həmçinin vurğulayıb ki, yaxın zamanda, pandemiya ilə bağlı məhdudiyyətlər aradan qaldırıldıqdan sonra fərqlənmiş gənclərin xüsusi təltifolunması da nəzərdə tutulub.

Son xəbərlər

Orphus sistemi