Azərbaycanlı gənc idmançı beynəlxalq turnirin qalibi olub

Azərbaycanlı gənc idmançı beynəlxalq turnirin qalibi olub Elimirzə Quliyev atıcılığın səngər stendi üzrə gənclər arasında keçirilən yarışda uğurlu çıxışı ilə rəqiblərini geridə qoyaraq birinci yeri tutub
Fərdi
1480
18 May , 2015 19:01
Azərbaycanlı gənc idmançı beynəlxalq turnirin qalibi olub

Bakı. 18 may. REPORT.AZ/ Qəbələ rayonundakı Stend və Ox Atıcılığı Kompleksində ulu öndər Heydər Əliyevin xatirəsinə həsr olunmuş Olimpiya atıcılıq növləri üzrə II Beynəlxalq Qran-pri yarışları davam edir.

"Report"un məlumatına görə, turnirdə əcnəbi idmançılarla yanaşı, Azərbaycan atıcıları da uğurla çıxış edir. Bu gün kişilər arasında gərgin mübarizədə italiyali idmançı Erminio Frsaka Rusiyadan olan Olimpiya çempionu Aleksey Alipineni qabaqlayaraq qızıl medal sahibi olub. Yarışda dünya rekordu yenidən təkrar olunub.

Atıcılığın səngər stendi üzrə gənclər arasında keçirilən yarışda Azərbaycan idmançısı Elimirzə Quliyev uğurlu çıxışı ilə rəqiblərini geridə qoyaraq birinci yeri tutub.

Ümumi mükafat fondu 96,5 min ABŞ dolları olan bu yarışda 17 ölkədən 150-ə yaxın idmançı iştirak edir. Yarışlara mayın 24-də yekun vurulacaq.

Son xəbərlər

Orphus sistemi