Azərbaycanın əməkdar məşqçisinin xatirəsinə həsr olunan turnir keçiriləcək

Gənclər və İdman Nazirliyi və Azərbaycan Atletika Federasiyasının (AAF) təşkilatçılığı ilə sabah əməkdar məşqçi Əfqan Səfərovun xatirəsinə həsr olunan 27-ci beynəlxalq memorial başlayacaq.

AAF-dan "Report"a verilən məlumata görə, yarışda Azərbaycan atletləri ilə yanaşı, Gürcüstan, Qırğızıstan, Tacikistan və Oman idmançıları da mübarizə aparacaq.

Memorial Paris Yay Olimpiya Oyunlarına lisenziya üçün reytinq xallarının toplanması baxımından əhəmiyyət kəsb edir.