Azərbaycanda qızıl medal qazanan rusiyalı atıcı: "Finalın əvvəli çox çətin idi"

III MDB Oyunlarında qızıl medal qazanan rusiyalı atıcı German Telenin üçün yarışın final mərhələsinin əvvəli çox çətin olub.

"Report"un Qəbələyə ezam olunan əməkdaşının məlumatına görə, bunu jurnalistlərə açıqlamasında idmançı özü deyib.

"Gərginlik hissi var idi. Rəqiblər həmişə güclüdürlər. Heç kimi az qiymətləndirmək olmaz. Digər yarışlarda olduğu kimi həyəcan var idi. Finalın əvvəli çox çətin idi. Daha sonra toparlanıb qələbə qazandım".

Qeyd edək ki, G.Telenin stend atıcılığında qızıl medal qazanıb. Atıcılıq yarışlarına oktyabrın 1-də yekun vurulacaq.