Azərbaycan taekvondoçuları olimpiadaya reytinq xalları verən Qran-priyə yollanıblar

Bakı. 17 oktyabr. REPORT.AZ/ Azərbaycan taekvondoçuları İngiltərənin Mançester şəhərində oktyabrın 19-da start götürəcək Qran-priyə yollanıblar. 

"Report" federasiyanın mətbuat xidmətinə istinadən xəbər verir ki, 2020-ci il Tokio Yay Olimpiya Oyunlarına reytinq xalları verən yarışa 6 idmançı qatılacaq.Yığmanın heyətində Qaşım Maqomedov (58 kq), Ayxan Tağızadə, Məhəmməd Məmmədov (hər ikisi 68 kq), Ramin Əzizov (+80 kq), Patimat Abakarova (49 kq) və Fəridə Əzizova (67 kq) yer alıb. Onlar vitse-prezident Niyaməddin Paşayev, baş məşqçilər Reza Mehmandoust və Elnur Amanovun rəhbərliyi altında mübarizə aparacaqlar. 

Qeyd edək ki, Qran-pri 3 gün davam edəcək.