Azərbaycan cüdoçuları Göygöldə təlim-məşq toplanışındadır

Cüdo üzrə Azərbaycanın böyüklərdən və gənclərdən ibarət milli komandaları Göygöldə təlim-məşq toplanışındadır.

Bu barədə "Report"a əsas yığmanın baş məşqçisi Mövlud Mirəliyevin köməkçisi Elçin İsmayılov məlumat verib.

O, hazırlıq prosesinin Göygöl Olimpiya Kompleksində keçirildiyini bildirib: "Azərbaycan Kubokunda yer tutan və yığmanın aparıcı üzvləri buradadır. Toplanış dekabrın 12-də başlayıb, dekabrın 29-da başa çatıb".

Mütəxəssis hazırlıq prosesinin 28-30 yanvarda Portuqaliyanın Odivelas şəhərində keçiriləcək Qran-priyə və 5-6 fevralda Fransanın paytaxtı Parisdə təşkil olunacaq Böyük Dəbilqəyə hazırlıq xarakteri daşıdığını söyləyib.