Avropa çempionatından əvvəl Azərbaycan şahmatçısının notbuku oğurlanıb - EKSKLÜZİV

Azərbaycan şahmatçısı Rauf Məmmədovun Monteneqronun Budva şəhərində keçirilmiş Avropa çempionatından əvvəl notbuku itib.

Bu barədə "Report"a açıqlamasında 35 yaşlı qrossmeyster bildirib.

Məmmədov qitə çempionatının bu səbəbdən onun üçün çətin başladığını söyləyib: "Bu yarışdan əvvəl İngiltərədə turnirdə idim. Londondan Monteneqroya gedəndə notbukum oğurlandı. İki gün tapmaq üçün çalışdıq. Amma artıq üç həftə keçib. Hələlik bir xəbər yoxdur. Məncə, artıq tapılmayacaq. Avropa çempionatı vaxtı kapitanımız Qədir Hüseynovun notbuku ilə məşğul olurdum. Hazırlaşmaq barədə problem olmadı, çox sağ olsun. Şahmatçı və jurnalist üçün notbuku itirmək işini itirməyə bərabərdir. Böyük şəhərlərdə belə hadisələr olur".

Qeyd edək ki, kişi şahmatçılardan ibarət millimiz yarışı 9 xalla 18-ci yerdə bitirib. Qadınlar isə turniri gümüş medalla başa vurub.