Avropa çempionatı: Azərbaycanın iki güləşçisi yarımfinalda uduzub

Azərbaycanın yunan-Roma güləşçisi Elmin Əliyev Albaniyanın paytaxtı Tiranada keçirilən U-17 Avropa çempionatında finala yüksələ bilməyib.

"Report"un məlumatına görə, 80 kq çəki dərəcəsində çıxış edən idmançı yarımfinalda Macarıstan təmsilçisi İştvan Şinaya uduzub

48 kq-dakı Elnar Ziyadov eyni raundda gürcüstanlı Yuri Çapidzeyə yenilib.

Hər iki güləşçi sabah bürünc medal uğrunda görüşdə qüvvəsini sınayacaq.