Yuxarı
    Bağlamaq

    "Alibaba" 2028-ci ilə qədər Olimpiya Oyunlarının sponsoru olacaq

    Beynəlxalq Olimpiya Komitəsi ilə müvafiq saziş Davosda keçirilən Dünya İqtisadi Forumu çərçivəsində imzalanıb

    Bakı. 19 yanvar. REPORT.AZ/ Çinin internet-ticarət sahəsində fəaliyyət göstərən "Alibaba" şirkəti 2028-ci ilə qədər, başqa sözlə, növbəti altı Olimpiya Oyunlarının rəsmi sponsoru olacaq.

    "Report" RBK-ya istinadən xəbər verir ki, Beynəlxalq Olimpiya Komitəsi (IOC) ilə müvafiq saziş Davosda keçirilən Dünya İqtisadi Forumu çərçivəsində imzalanıb.

    "Financial Times" nəşrinin yazdığına görə, "Alibaba" şirkəti "Coca-Cola", "McDonald`s", "Visa" və s. şirkətlərlə yanaşı, olimpiadanın əsas sponsorları sırasına daxil olacaq. Müqavilənin şərtlərinə əsasən, "Alibaba" eyni zamanda yarış təşkilatçılarına texnoloji dəstək göstərəcək, internetdə axın kanalı yaradacaq, eləcə də onu Çin tamaşaçıları üçün uyğunlaşdıracaq.

    Müqavilənin maliyyə detalları açıqlanır, lakin əvvəlki sponsorluq müqavilələrinin təhlili sövdələşmənin yüz milyonlarla dollar məbləğində olduğunu göstərir.

    Qeyd edək ki, qarşıdakı Qış Olimpiya Oyunları 2018-ci ildə Koreya Respublikasının Pxençxan şəhərində keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi