ADBTİA tələbələri yeni tədris korpusunda dərslərə başlayıb

Bu gün bütün ölkədə olduğu kimi, Azərbaycan Dövlət Bədən Tərbiyəsi və İdman Akademiyasında (ADBTİA) da əyani tədrisə start verilib.

ADBTİA-dan "Report"a verilən məlumata görə, hər bir tələbə Akademiyaya daxil olarkən COVID-19 pasportunu təqdim edib. Onların bədən temperaturları, girişdə quraşdırılmış fərdi və universal termal kameralar vasitəsilə yoxlanılıb.

İlk dərs günündə birinci kurs tələbələri akademiya ilə tanış olublar.

Qeyd edək ki, bu gündən yeni üçmərtəbəli tədris korpusu ADBTİA tələbələrinin istifadəsinə verilib. Akademiya rəhbərliyi və kollektivi yeni tədris ilinin başlanması münasibətilə bütün tələbələri təbrik edib və onlara təhsildə uğurlar arzulayıb.