Yanvarda Azərbaycan əmtəəlik propilen istehsalını 9 %-dək artırıb

Bu ilin yanvar ayı ərzində Azərbaycanda 14,4 min ton həcmində propilen, 16,1 min ton həcmində polietilen, 15,6 min ton həcmində etilen istehsal edilib.

“Report”un Dövlət Statistika Komitəsinə istinadən verdiyi xəbərə görə, bu ilin yanvar ayında propilen istehsalının 13,7 min tonu əmtəəlik məhsulun payına düşüb.

İl ərzində propilen istehsalı 5,9 %, əmtəəlik propilen istehsalı 8,7 % artıb.

Bu ilin yanvar ayı ərzində ölkədə etilen və polietilen istehsalı isə müvafiq olaraq illik müqayisədə 10,1 % və 12,8 % azalıb.