Bakı. 4 noyabr. REPORT.AZ/ Xəzər dənizinin cənub hissəsində yeni və nəhəng neft-qaz yataqları aşkar oluna bilər. "Report" xəbər verir ki, bunu bu gün işə başlayan "SPE Annual Caspian Technical Conference and Exibition" konfrans-sərgisində çıxış edən Azərbaycan Milli Elmlər Akademiyasının (AMEA) prezidenti, akademik Akif Əlizadə deyib.
A.Əlizadə "Report"a açıqlamasında Xəzərdə həm də alternativ enerji mənbələrinin mövcudluğunu qeyd edib. Onun sözlərinə görə, AMEA-nın geoloq alimlərinin bununla bağlı bəzi tədqiqatları var.