Ukrayna Prezident Administrasiyası ABŞ-dən LNG-nin ilk partiyasının alınmasına münasibət bildirib

Ukrayna ilk dəfə Yunanıstan vasitəsilə ABŞ-dən mayeləşdirilmiş təbii qaz (LNG) alıb.

“Report” xəbər verir ki, bu barədə Ukrayna Prezident Administrasiyasının rəhbəri Andrey Yermak bildirib.

"Bu, sadəcə yük deyil, strateji addımdır", - o qeyd edib.

Məlumata görə, təxminən 100 milyon kubmetr qaz və ya 1 TVt/saat enerji həcmində olan yük dekabrın 27-də Revitusa LNG terminalına çatıb. LNG qaz halına çevriləcək. O, Avropa İttifaqı və Ukraynanın qaz şəbəkələri vasitəsilə ötürüləcək. Bu tədarük Rusiya qazından asılılığı azaltmaqla Ukrayna və Avropanın enerji təhlükəsizliyini gücləndirməyə yönəlmiş qlobal tədbirlərin bir hissəsidir.