Yuxarı
    Bağlamaq

    TAP layihəsi ilə bağlı xəbərlər "Statoil"in səhmlərini bahalaşdırıb

    İtaliyanın Snam şirkəti də TAP-da 20% pay almaq istədiyini elan edib

    Bakı. 3 sentyabr. REPORT.AZ/ Norveçin "Statoil" şirkətinə məxsus səhmlər dünya bazarında 1,5% bahalaşaraq qiyməti 14,99 ABŞ dolları olub. "Report" xarici KİV-ə istinadən xəbər verir ki, bahalaşmanın əsas səbəbi Malayziyanın "Petronas" şirkətinin "Statoil"un Trans-Adriatik Boru Kəməri (TAP) layihəsindəki payının mümkün alınması ilə bağlı xəbərlərin yayılmasıdır.

    Qeyd edək ki, ötən gün "Petronas" şirkəti "Statoil"un TAP layihəsindəki iştirak payının tam alınması məsələsini nəzərdən keçirdiyini açıqlayıb.

    Xatırladaq ki, bundan öncə İtaliyanın "Snam" şirkəti də TAP-da 20% pay almaq istədiyini elan edib və bu sövdələşmənin təxminən 400 mln. avro civarında olacağını açıqlayıb.

    Xatırladaq ki, TAP-ın səhmdarları qismində BP (20%), SOCAR (20%), “Statoil” (20%), “Fluxys” (19%), “Enagas” (16%) və “Axpo” (5%) şirkətləri çıxış edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi