Yuxarı
    Bağlamaq

    TANAP layihəsi üçün maliyyə məsləhətçisi seçilir

    Bundan sonra potensial maliyyələşmə qaynaqlarının qiymətləndirilməsinə başlanacaq

    Bakı. 2 iyun. REPORT.AZ/ Azərbaycan Dövlət Neft Şirkəti (SOCAR) Trans-Anadolu boru kəməri (TANAP) layihəsinə maliyyə vəsaitinin cəlb olunması üçün maliyyə məsləhətçisi seçir. "Report" xəbər verir ki, bunu SOCAR-ın Sərmayələr İdarəsinin rəisi Vaqif Əliyev jurnalistlərə açıqlamasında bildirib.

    V.Əliyevin sözlərinə görə, hazırda məsləhətçi şirkətin seçilməsi mərhələsi gedir və seçimdən sonra mövcud olan və ya mümkün olan maliyyə qaynaqlarının araşdırılması və razılaşdırılması prosesinə başlanacaq.

    V.Əliyev TANAP-ın maliyyələşdirilməsinə cəlb olunacaq vəsaitin məbləğini açıqlamayıb. O, layihəyə nə qədər vəsaitin cəlb olunacağını Azərbaycan hökuməti, SOCAR və layihənin tərəfdaşları ilə birgə aparılacaq müzakirələrdən sonra müəyyənləşəcəyini deyib.

    "Bu layihəyə maliyyə şirkətinin cəlb olunması böyük bir prosesdir. Bu proses uzun çəkə bilər. Bu, vaxt və ciddi əmək tələb edən işdir", - deyə SOCAR rəsmisi bildirib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi