Yuxarı

SOCAR veteran neftçilərə yardım edib

BANM-da faşizm üzərində qələbənin 70 illiyinə həsr olunmuş tədbir keçirilib

Bakı. 30 aprel. REPORT.AZ/ Bakı Ali Neft Məktəbində (BANM) faşizm üzərində qələbənin 70 illiyi qeyd edilib. "Report"un verdiyi xəbərə görə, BANM-ın rektoru Elmar Qasımovun giriş sözü ilə açılış etdiyi tədbirdə Azərbaycan Dövlət Neft Şirkətinin (SOCAR) prezidenti Rövnəq Abdullayev, Milli Məclisin vitse-spikeri Valeh Ələsgərov, AzTV-nin prezidenti Arif Alışanov iştirak ediblər.

E.Qasımovun sözlərinə görə, Böyük Vətən Müharibəsi vaxtı Azərbaycanın əhalisi 3 mln. nəfər olub: "Onun da 700 mindən çoxu müharibədə iştirak edib. Onların 300 mindən çoxu müharibədə həlak olub. Bu, təxminən əhalinin 10%-i deməkdir".

Tədbirdə çıxış edən SOCAR prezidenti R.Abdullayev deyib ki, bu müharibənin ən əhəmiyyətli nəticəsi o olub ki, insanlar məsələləri danışıqlar masası arxasında həll etməli olduqlarını anladılar.

Daha sonra isə R.Abdullayevin fərmanı ilə veteran neftçilərin maddi durumunun yaxşılaşdırılması məqsədilə onlara yardım edilib.

Tədbirin rəsmi hissəsinin ardınca faşizm üzərində qələbənin 70 illiyi münasibəti ilə AzTV-nin çəkdiyi film nümayiş olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi