Yuxarı
    Bağlamaq

    ​SOCAR və "PetroVietnam" əməkdaşlıq proqramının layihəsini hazırlayır

    Tərəflər birgə istehsal, logistika və sıxılmış qazın satışı ilə bağlı danışıqlar aparıb

    Bakı. 28 aprel. REPORT.AZ/ Azərbaycan Dövlət Neft Şirkəti ilə "PetroVietnam" Neft-Qaz Korporasiyası arasında qarşılıqlı əməkdaşlığa dair müvafiq proqramın layihəsi hazırlanır. "Report"un məlumatına görə, bunu Azərbaycan Dövlət Neft Şirkətinin (SOCAR) prezidenti Rövnəq Abdullayev bildirib.

    "PetroVietnam" şirkətində çalışan mütəxəssislərin 50%-i Bakıda tələbə olub. Şirkət Azərbaycanda da iş görmək arzusundadır və bizə də Vyetnamda işləməyi təklif edir. Onlarla birgə əməkdaşlıq qurmağa hazırlaşırıq, artıq əlaqələr qurulub. Bakı Ali Neft Məktəbi və SOCAR-ın layihə institutu Vyetnamda layihələr işləyib. Daha geniş əməkdaşlıq üçün isə proqram hazırlanır", - deyə R.Abdullayev əlavə edib.

    SOCAR rəhbəri qeyd edib ki, şirkətlər arasında qarşılıqlı əməkdaşlıq hər iki tərəfin marağına səbəb olacaq adekvat təkliflər üzrə həyata keçiriləcək: "Biz onlara nə təqdim etsək, onlar da bizə eyni səviyyədə iş təklif edəcəklər. Bu artıq birtərəfli deyil, ikitərəfli əməkdaşlıq olacaq. Birgə istehsal, logistika və sıxılmış qazın satışı ilə bağlı danışıqlar aparmışıq. İnanırıq ki, tez bir zamanda bunu həyata keçirəcəyik".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi