Yuxarı
    Bağlamaq

    “SOCAR Ukraine” 15,6 min ton təyyarə yanacağı idxal edib

    SOCAR-ın idxal etdiyi təyyarə yanacağının 11 min tonu Səudiyyə Ərəbistanından, 4,6 min tonu Litvadan alınıb

    Bakı. 27 iyul. REPORT.AZ/ Bu ilin I yarısında Azərbaycan Dövlət Neft Şirkətinin (SOCAR) Ukraynadakı törəmə qurumu - “SOCAR Ukraine” şirkəti bu ölkəyə 15,6 min ton təyyarə yanacağı idxal edib.

    “Report” “OilNews”a istinadən xəbər verir ki, bu barədə “A-95 Konsaltinq qrupu" şirkəti araşdırmalarına əsasən məlumat yayıb.

    SOCAR-ın idxal etdiyi təyyarə yanacağının 11 min tonu Səudiyyə Ərəbistanından, 4,6 min tonu Litvadan alınıb.

    Ümumilikdə, bu ilin yanvar-iyun ayları ərzində Ukraynanın təyyarə yanacağı idxalı ötən ilin müvafiq dövrü ilə müqayisədə 3,72 dəfə artaraq 157 min ton təşkil edib. Təyyarə yanacağının 72%-i dəniz yolu ilə nəql olunub. Məhsul əsasən Səudiyyə Ərəbistanı və İtaliyadan alınıb. Belə ki, İtaliyadan 54,9 min ton, Səudiyyə Ərəbistanından 51,4 min ton, İsraildən 6 min ton, Yunanıstandan 0,8 min ton təyyarə yanacağı idxal edilib. İlin ilk yarısında Litvadan Ukraynaya dəmiryolu ilə 40,1 min ton təyyarə yanacağı gətirilib. Bununla yanaşı, hesabat dövründə 4 min ton Belarus təyyarə yanacağı dəmiryolu ilə nəql olunub.

    Hesabat dövründə Kremençuq Neft Emalı Zavodundan daşınma isə 9% artaraq 75 min ton olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi