Yuxarı
    Bağlamaq

    ​SOCAR təyyarə yanacağı ixracını 40% artırıb

    Bu il şirkət dizel yanacağının ixracını 3% artırıb

    Bakı. 1 sentyabr. REPORT.AZ/ Azərbaycan Dövlət Neft Şirkətinin (SOCAR) Marketinq və İqtisadi Əməliyyatlar İdarəsi 2015-ci ilin avqust ayında 90,491 min ton dizel, 27,984 min ton təyyarə yanacağı ixrac edib.

    "Report" SOCAR-a istinadən xəbər verir ki, dizel yanacağının ixracı ötən ilin avqust ayına nisbətən 11% azalıb, təyyarə yanacağının ixracı isə 40% artıb.

    Bu ilin yanvar-avqust ayları ərzində İdarə tərəfindən 650,797 min ton dizel yanacağı, 159,467 min ton təyyarə yanacağı və 280 ton soba mazutu ixrac edilib. Hesabat dövründə dizel yanacağının ixracı 3%, təyyarə yanacağının ixracı 33% artıb, soba mazutunun ixracı isə 33% azalıb.

    Qeyd edək ki, cari ilin avqust ayında dünya bazarında etilləşdirilmiş benzinin qiyməti (1 ton üçün) 538,51 dollar, təyyarə yanacağı 457,26 dollar, dizel yanacağı 441,75 dollar, 1% kükürdlü mazutun qiyməti isə 232,36 dollar təşkil edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi