“SOCAR Polymer” ixrac gəlirlərini təxminən 52 % artırıb

Ötən il Azərbaycan Dövlət Neft Şirkətinin (SOCAR) 57 %-lik törəməsi olan “SOCAR Polymer” MMC 296,7 milyon ABŞ dolları dəyərində məhsul ixrac edib.

“Report” bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın yanvar sayına istinadən xəbər verir.

Bu, 2022-ci illə müqayisədə 101,3 milyon ABŞ dolları və yaxud 51,8 % çoxdur.

Qeyd edək ki, 2023-cü ildə Azərbaycanın ümumi ixracı 33,9 milyard ABŞ dolları, qeyri-neft sektoru üzrə ixrac isə əvvəlki illə müqayisədə 9,8 % artaraq 3,3 milyard ABŞ dolları təşkil edib.