Yuxarı
    Bağlamaq

    SOCAR ötən ay qazma işlərini 24% artırıb

    Bu ilin 11 ayındakı şirkət üzrə qazma işlərinin həcmi ötən ilin müvafiq dövründən 3% çox olub

    Bakı. 14 dekabr. REPORT.AZ/ Bu ilin noyabr ayı ərzində Azərbaycan Dövlət Neft Şirkəti (SOCAR) tərəfindən (Müştərək Müəssisələr və Əməliyyat Şirkətləri istisna olmaqla) 6 706 metr qazma işi həyata keçirilib.

    “Report”un SOCAR-a istinadən verdiyi xəbərə görə, bu sahədə görülmüş işlərin hamısı istismara aid olub.

    Ötən ay həyata keçirilən qazma işləri 2015-ci ilin müvafiq ayından 24% çox olub.

    Ümumiyyətlə, 2016-cı ilin yanvar-noyabr aylarında SOCAR üzrə (Müştərək Müəssisələr və Əməliyyat Şirkətləri istisna olmaqla) 100 363 metr qazma işi görülüb ki, bunun da 97 693 metri istismara, 2 670 metri isə kəşfiyyata aid olub.

    Bu ilin 11 ayındakı şirkət üzrə qazma işlərinin həcmi ötən ilin müvafiq dövründən 2,70% çoxdur.

    Bundan əlavə, noyabr ayı ərzində qazmadan alınmış 5, ilin əvvəlindən isə 57 yeni quyu tikinti ilə başa çatdırılaraq mədənçilərə təhvil verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi