Bakı. 3 noyabr. REPORT.AZ/ Bu ilin oktyabr ayında Azərbaycan Dövlət Neft Şirkəti (SOCAR) Müştərək Müəssisələr və Əməliyyat Şirkətləri istisna olmaqla 11 284 metr qazma işi həyata keçirib.
“Report” SOCAR-a istinadən xəbər verir ki, bunun 10 343 metri istismara, 941 metri isə kəşfiyyata aid olub.
2017-ci ilin yanvar-oktyabr aylarında 114 909 metr qazma işi görülüb ki, bunun da 106 593 metri istismara, 8316 metri isə kəşfiyyata aid olub.
Ötən ay proqnozlaşdırılan 7 quyuya qarşı faktiki olaraq 10 quyu qazmadan alınaraq mədənçilərə təhvil verilib. Quyulardan 2-si “Neft Daşları”, 2-si “Qərbi Abşeron”, 2-si “Pirallahı”, qalanları isə “Bulla-dəniz”, “Qaradağ”, “Səadan” və “Darvin bankası” yataqlarında qazılıb.
İlin əvvəlindən 66 quyuda qazma işləri uğurla başa çatdırılaraq təhvil verilib.