SOCAR: Neftin ucuzlaşmasına baxmayaraq, "Azeri Light" markalı neftə tələbat azalmayıb

Bakı. 12 oktyabr. REPORT.AZ/ Azərbaycan Dövlət Neft Şirkəti (SOCAR) "Azeri Light" markalı nefti maksimal həcmdə satır.

"Report" xəbər verir ki, bu barədə SOCAR-ın Marketinq və iqtisadi əməliyyatlar İdarəsinin rəhbəri Ədnan Əhmədzadə bildirib.

"Neftin qiymətinin aşağı düşməsinə baxmayaraq, "Azeri Light" markalı neftə tələbat azalmayıb. Onu maksimal həcmdə satırıq. Əksinə, onu əldə etmək üçün növbə var, hamını təchiz etməyi çatdırmırıq", - deyə Ə.Əhmədzadə vurğulayıb.