SOCAR-ın müxtəlif ölkələr üzrə ötənilki gəlirləri açıqlanıb

2021-ci ildə Azərbaycan Dövlət Neft Şirkəti (SOCAR) ölkədəki aktivlərindən 7,804 milyard manat gəlir əldə edib.

“Report” xəbər verir ki, bu barədə şirkətin ötən il üzrə konsolidasiya olunmuş maliyyə hesabatında bildirilir.

Sənədə əsasən, hesabat dövründə SOCAR-ın İsveçrədə 44,625 milyard manat, Türkiyədə 17,567 milyard manat, Birləşmiş Ərəb Əmirliklərində (BƏƏ) 2,937 milyard manat, Gürcüstanda 1,240 milyard manat, digər ölkələrdə isə 3,358 milyard manat gəliri olub.

İl ərzində şirkətin Azərbaycandakı gəlirləri 23,7 %, BƏƏ-dəki gəlirləri 32,1 %, digər ölkələrdəki gəlirləri 1,7 dəfə artıb.

Həmçinin, İsveçrədəki gəlirləri 46,4 %, Türkiyədəki gəlirləri 2,3 dəfə, Gürcüstandakı gəlirləri 18,7 % azalıb.