Yuxarı
    Bağlamaq

    ​SOCAR gələn il üçün hasilat proqramının işlənməsini bu ay tamamlayacaq

    SOCAR neft və qaz hasilatını builki səviyyədə saxlayacaq

    Bakı. 4 noyabr. REPORT.AZ/ Azərbaycan Dövlət Neft Şirkəti (SOCAR) hazırda 2016-cı il üçün hasilatla bağlı proqram layihəsini hazırlayır. Bu barədə "Report"a SOCAR-ın neft və qazın hasilatı və nəqli üzrə vitse-prezidenti Rəhman Qurbanov bildirib.

    R.Qurbanov qeyd edib ki, proqramın hazırlanması işləri noyabrın 15-20-də tamamlanacaq: "Proqrama görə, həm köhnə, həm də yeni yataqlarda qazma işləri azaldılmayacaq. Hasilat 2014-2015-cü ildəki ilə eyni səviyyədə olacaq. Baxmayaraq ki, bu məsələyə əməliyyat şirkətləri eyni yanaşmır. SOCAR çalışır ki, bütün məsələləri həll etsin və neft və qaz hasilatını sabit saxlasın".

    Qeyd edək ki, 2015-ci ildə Azərbaycanda 40,7 mln. ton neft və 30,2 mlrd. kubmetr qaz hasilatı proqnozlaşdırılır. SOCAR-a məxsus yataqlardan 8,3 mln. ton neft və 6,5 mlrd. kubmetr qaz hasil edilməsi planlaşdırılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi