Yuxarı
    Bağlamaq

    ​SOCAR Ceyhan limanından neft ixracını 31% artırıb

    Bu il 10,1 mln. ton neft ixrac olunub

    Bakı. 1 avqust. REPORT.AZ/ Azərbaycan Dövlət Neft Şirkəti (SOCAR) 2016-cı ilin iyul ayında Ceyhan limanından (Aralıq dənizi, Türkiyə) 1 569 086 ton xam neft ixrac edib. 

    "Report" SOCAR-a istinadən xəbər verir ki, bu göstərici ötən ilin iyul ayından 31% çoxdur.

    Ümümilikdə, yanvar-iyul ayları ərzində Ceyhan limanından 10 105 879 ton neft ixrac olunub ki, bu da ötən ilin müvafiq dövründən 2,83% azdır.

    Qeyd edək ki, SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir.

    Azərbaycan nefti Bakı-Tbilisi-Ceyhan boru kəməri vasitəsilə Ceyhan limanına nəql olunur. Bu limandan isə neft Aralıq dənizi vasitəsilə Avropa bazarına ixrac edilir. BTC boru kəməri Bakı yaxınlığındakı Səngəçal terminalından başlayır. Boru kəmərinin gündəlik ötürmə qabiliyyəti 1,2 mln. bareldir. Kəmər 2006-cı ildən istifadədir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi