Yuxarı

SOCAR: Hazırda qaz anbarlarında 2,9 mlrd. kubmetr qaz var

​SOCAR: Bu il qaz anbarlarına 2,1 mlrd. kubmetr qaz tədarük edilib

Azərbaycan Dövlət Neft Şirkəti (SOCAR) tərəfindən III rüb də daxil olmaqla bu il yeraltı anbarlara 2,110 mlrd. kubmetr təbii qaz vurulub.

“Report” xəbər verir ki, bu barədə SOCAR-ın məlumatında qeyd edilib.

Bildirilib ki, hazırda qaz anbarlarında 2,880 mlrd. kubmetr qaz var və anbarlara qazın vurulması prosesi davam etdirilir.

Qeyd edək ki, Azərbaycanda iki - “Qalmaz” və “Qaradağ” yeraltı qaz anbarları mövcuddur. Qaz anbarlarına qazvurma mövsümü aprel-noyabr aylarını əhatə edir.

SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov  “Report”a bildirib ki, Azərbaycan ötən ildən etibarən təbii qazın idxalından imtina edib. Onun sözlərinə görə, hətta əvvəlki dövrdə qazınidxalı təkrar ixrac üçün istifadə olunurdusa, hazırda ölkədə qaz hasilatının artımı səbəbindən buna da artıq ehtiyac qalmayıb: “Bu il də qazanbarlarına vurulan qazın bütün həcmləri məhz Azərbaycanda hasil edilən qaz olub. Yeraltı qaz anbarlarının tam doldurulması sayəsində qış aylarında ölkənin qaz təchizatı tam təmin edilməsi üçün şərait yaradılıb”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi