Yuxarı

​SOCAR 9 ayda 80,5 min metr qazma aparıb

Sentyabrda 8288 metr qazma işi həyata keçirilib

Bakı. 5 oktyabr. REPORT.AZ/ Sentyabr ayı ərzində Azərbaycan Dövlət Neft Şirkəti (SOCAR) tərəfindən (Müştərək Müəssisələr və Əməliyyat Şirkətləri istisna olmaqla) 8288 metr qazma işi həyata keçirilib.

"Report" SOCAR-a istinadən xəbər verir ki, bu sahədə görülmüş işlərin hamısı istismara aid olub.

Bu ilin sentyabr ayında həyata keçirilən qazma işləri ötən ilin müvafiq ayından 11% az olub.

Ümumiyyətlə, 2015-ci ilin yanvar-sentyabr aylarında SOCAR üzrə (Müştərək Müəssisələr və Əməliyyat Şirkətləri istisna olmaqla) 80548 metr qazma işi görülüb ki, bunun da 79548 metri istismara, qalanı isə kəşfiyyata aid olub.

Bu ilin 9 ayında həyata keçirilmiş qazma işləri isə ötən ilin müvafiq dövründən 18% azdır.

Qeyd edək ki, avqust ayı ərzində qazmadan alınmış 10, ilin əvvəlindən isə 55 yeni quyunun tikintisi başa çatdırılaraq mədənçilərə təhvil verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi