SOCAR yeddi ayda 3,5 mlrd. kubmetr qaz hasil edib

Bakı. 5 sentyabr. REPORT.AZ/ Bu ilin yanvar-iyul ayları ərzində Azərbaycan Dövlət Neft Şirkəti (SOCAR) üzrə 3 458,2 mln. kubmetr həcmində qaz hasil edilib.

“Report” xəbər verir ki, 7 ay ərzində şirkətin qaz hasilatının 503,3 mln. kubmetri iyul ayının payına düşüb.

Hesabat dövründə Azərbaycan üzrə qaz hasilatının həcmi isə 16 626,5 mln. kubmetr təşkil edib. Bu həcmin 2 494,7 mln. kubmetri iyulda hasil olunub.