SOCAR 2023-cü ildə neft və qaz ixracından gəlirlərini açıqlayıb

Azərbaycan Dövlət Neft Şirkəti (SOCAR) 2023-cü ildə 1 milyard 489 milyon ABŞ dolları dəyərində (kondensatla birlikdə) 2 milyon 289 min ton neft ixrac edib.

Bu barədə “Report”a Azərbaycan Dövlət Statistika Komitəsindən məlumat verilib.

İxrac 2022-ci ilin göstəriciləri ilə müqayisədə kəmiyyət ifadəsində 1,98 dəfə, pul ifadəsində 1,8 dəfə artıb.

Səmt qazı da daxil olmaqla, 2 milyard 683,3 milyon kubmetr (-4,8 %) 945,74 milyon ABŞ dolları (-1,9 dəfə) həcmində qaz ixrac edilib.

Şirkətin 2023-cü ildə vergi ayırmaları 802 milyon 142,8 min manat (- 23,3 %) təşkil edib.

Ötən ilin sonuna SOCAR-ın balansında olan neft quyularının sayı 2 503 ədəd (2022-ci ildə 2 454 ədəd), qaz quyularının sayı 237 ədəd (245 ədəd) olub.