Yuxarı
    Bağlamaq

    SOCAR 2016-cı ildə Novorossiysk limanından 1,2 mln. ton xam neft ixrac edib

    SOCAR-ın ötən il Novorossiysk limanından ixrac etdiyi xam neftin 80 min tonu dekabrın payına düşüb

    Bakı. 5 yanvar. REPORT.AZ/ Azərbaycan Dövlət Neft Şirkəti (SOCAR) 2016-cı ildə Novorossiysk limanından (Qara dəniz, Rusiya) 1 217 799 ton xam neft ixrac edib.

    “Report”un SOCAR-a istinadən verdiyi xəbərə görə, bu, 2015-ci ilin analoji göstəricisindən 4% azdır.

    SOCAR-ın 2016-cı ildə Novorossiysk limanından ixrac etdiyi xam neftin 79 846 tonu dekabr ayının payına düşüb.

    Qeyd edək ki, Bakı-Novorossiysk kəməri xam neftin şimal istiqamətində nəqli üçün inşa olunub. Bu kəmərlə xam neft Rusiya ərazisindən keçməklə Novorossiysk limanına nəql olunur. Bununla bağlı müvafiq müqavilə 1996-cı il fevralın 18-də Moskvada imzalanıb. İlk neft 1997-ci il oktyabrın 25-də dünya bazarına çıxarılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi