“Səadan” yatağında yeni quyu istismara verilib

Bakı. 2 dekabr. REPORT.AZ/ “Səadan” yatağında 1818 nömrəli quyu qazmadan sonra istismara verilib.

“Report”un Azərbaycan Dövlət Neft Şirkətinə (SOCAR) istinadən verdiyi xəbərə görə, “Azneft” İB “Siyəzənneft” NQÇİ-nin sifarişi əsasında Kompleks Qazma İşləri Tresti tərəfindən Qovundağ-Maykop Lay Dəstəsinə qazılmış quyu dərinlik nasosu üsulu ilə məhsul verib, 1300-625 metr intervaldan sutkalıq 4 ton neft hasilatı ilə istismar fonduna qəbul olunub.