Rusiyanın energetika naziri: "OPEC+ anlaşmasının uzadılma müddəti hələ dəqiqləşdirilməyib"

Bakı. 25 noyabr. REPORT.AZ/ Neft İxrac Edən Ölkələr Birliyinə (OPEC) üzv və qeyri-üzv dövlətlərin neft hasilatının həcmini azaltmasını nəzərdə tutan OPEC+ anlaşmasının müddətinin uzadılması imkanları noyabrın 30-da Vyanada (Avstriya) müzakirə ediləcək. 

"Report" TASS agentliyinə istinadən xəbər verir ki, bu barədə Rusiyanın energetika naziri Aleksandr Novak Boliviyada keçirilən neft-qaz sammitində məlumat verib. 

"OPEC+ anlaşmasının müddətinin 2018-ci ilin sonuna qədər uzadılması ilə bağlı razılığa gəlinibmi?" sualına cavab verən A.Novak "müzakirə edəcəyik, hələ yox" deyib. 

Xatırladaq ki, ötən gün bu istiqamətdə razılığın əldə olunmasına dair mətbuatda xəbərlər yayılıb.