Qlobal resessiya ərəfəsində neft ucuzlaşıb

İnvestorların qlobal resessiya ilə bağlı narahatlıqları və xammala olan tələbatın azalması fonunda nefin qiymətində cüzi eniş qeydə alınıb.

“Report” birjalara istinadən xəbər verir ki, Şimal dənizində hasil olunan “Brent” neftinin yanvar fyuçersləri 0,38 % ucuzlaşaraq 1 bareli 96,79 ABŞ dollarına satılıb. WTI neftinin dekabr fyuçerslərinin qiyməti 0,57 % düşüb və 1 bareli 89,49 ABŞ dolları təşkil edib.

Birjalar ABŞ Federal Ehtiyat Sisteminin (FED) uçot dərəcəsini növbəti dəfə artırması fonunda iqtisadi resessiya ehtimalını qiymətləndirir.