Yuxarı
    Bağlamaq

    “Qazprom” və Macarıstan “Türk axını” ilə bağlı saziş imzalayıb

    Macarıstan cənubdan qaz almaq marağındadır

    Bakı. 5 iyul. REPORT.AZ/ Rusiyanın “Qazprom” şirkəti ilə Macarıstan arasında “Türk axını” boru kəməri layihəsi üzrə qaz nəqli ilə bağlı saziş imzalanıb.

    “Report”un RİA "Novosti” agentliyinə istinadən verdiyi xəbərə görə, bu barədə Macarıstanın MTI informasiya agentliyinə bu ölkənin xarici işlər və əlaqələr naziri Peter Siyarto bildirib.

    “Macarıstan “Türk axını” ilə qaz nəqlini ən optimal ssenari hesab edir. Qazın nəqlinin digər variantları (Rumıniya və ya Xorvatiya ərazisindən) hələ işlənilməyib. Buna görə də Macarıstan cənubdan qaz almaq marağındadır”, - nazir qeyd edib.

    Agentliyin məlumatına görə, “Türk axını” layihəsinin Macarıstana qədər davamı 2019-cu ilin sonuna kimi inşa olunacaq.

    Qeyd edək ki, ötən il oktyabrın 10-da Rusiya və Türkiyə “Türk axını” layihəsi üzrə hökumətlərarası saziş imzalayıb. Sənəddə Qara dənizin dibi ilə iki xəttin tikintisi məsələsi əksini tapıb. Xətlərin hər biri ilə ildə 15,75 mlrd. kubmetr qaz nəqli planlaşdırılır. Boru kəmərinin dəniz hissəsinin uzunluğu 910 km, Türkiyə ərazisində quru hissəsinin uzunluğu isə 180 km hesablanır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi