Rusiyanın “Qazprom” şirkəti Avropaya Ukrayna vasitəsilə qaz nəqlini ştat rejimində davam etdirir.
“Report” “RİA Novosti”yə istinadən xəbər verir ki, bu barədə şirkətdən bildirilib.
“Martın 20-də Ukrayna ərazisindən keçməklə Avropaya qaz nəqli avropalı istehlakçıların sifarişlərinə uyğun olaraq, 106,6 milyon kubmetr təşkil edib”, - məlumatda deyilir.
Xatırladaq ki, bu, uzunmüddətli müqavilə əsasında bron edilmiş həcmə (gündəlik, təxminən, 109,5 milyon kubmetr) yaxındır. “Qazprom”un 2022-ci il üçün Ukrayna qarşısında tranzit üzrə müqavilə öhdəliyi 40 milyard kubmetr təşkil edir.