Yuxarı

OPEC Vyana sammitində hasilatı daha çox azalda bilər

Neft hasilatının ilkin nəzərdə tutulan 0,7 mln. barel/gündən daha çox azaldılması mümkündür

Bakı. 6 oktyabr. REPORT.AZ/ OPEC ölkələri noyabrın 30-da Vyanada (Avstriya) keçiriləcək növbəti sammitdə neft hasilatını ilkin nəzərdə tutulan 0,7 mln. barel/gündən daha çox azalda bilər. 

"Report"un RİA "Novosti" agentliyinə istinadən verdiyi xəbərə görə, bunu Əlcəzairin energetika naziri Nurəddin Buterfa bildirib. 

Onun sözlərinə görə, OPEC Vyana toplantısında bazarı qiymətləndirəcək: "Əgər hasilatın planlaşdırılan 0,7 mln. barel /gün azaldılması kifayət etməsə, bu həcmi artıracağıq".

Xatırladaq ki, OPEC ölkələrinin sentyabrın 26-28-da Əlcəzairdə keçirilən qeyri-formal sammitində neft bazarında tarazlığın bərpa edilməsi üçün hasilatın 0,7 mln. barel/gün azalıdılaraq 32,5-33 mln. barel/günə kimi endirilməsi qərarı razılaşdırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi