Reuters: “OPEC+ gündəlik neft hasilatını 2 milyon barel azaltmağa razılıq verib”

OPEC+ Monitorinq Komitəsi gündəlik neft hasilatını 2 milyon barel azaltmağa razılıq verib.

“Report” “Reuters”ə istinadən xəbər verir ki, bu barədə mənbələr məlumat yayıb.

Bu mesaj fonunda Londonun ICE birjasında “Brent” markalı neftin qiyməti bir barel üçün 93 ABŞ dolları keçib.

OPEC+ Nazirlərinin Monitorinq Komitəsi neft hasilatı planını müzakirə etmək üçün Vyanada hibrid iclas başlayıb.

"Report" TASS-a istinadən xəbər verir ki, Vyanaya səfər edən BƏƏ-nin energetika naziri Suheil əl-Mazroui jurnalistlərə bildirib ki, OPEC+ qlobal iqtisadiyyatın vəziyyətini qiymətləndirəcək və neft hasilatının səviyyəsi ilə bağlı siyasi deyil, texniki qərar verəcək.

Qeyd edək ki, bu iclasda alyans üzvləri hasilatın gündəlik 1 milyon barel azaldılmasını nəzərdən keçirəcək.

Azərbaycanın energetika naziri Pərviz Şahbazov da iclasda iştirak etmək üçün Vyanada səfərdədir.