Novak: "Rusiya neftinin əks tədarükü üçün Bakı-Tixoretsk kəmərinin genişləndirilməsi müzakirə edilmir"

Azərbaycan Rusiya ilə Rusiya neftinin Azərbaycan istiqamətində mümkün əks tədarükü üçün Bakı-Tixoretsk neft kəmərinin genişləndirilməsini müzakirə etmir.

"Report" "İnterfaks"a istinadən xəbər verir ki, bunu Rusiyanın Baş nazirinin müavini Aleksandr Novak jurnalistlərə bildirib.

“Bu layihə uzun müddətdir ki, heç yerdə müzakirə olunmur”, - A.Novak qeyd edib.

Xatırladaq ki, Rusiya neftinin Azərbaycana əks tədarükü üçün Bakı-Tixoretsk neft kəmərinin genişləndirilməsi layihəsini ötən il Rusiya tərəfi təklif etmişdi. A.Novak 2023-cü ilin oktyabrında bəyan etmişdi ki, neft kəmərinin genişləndirilməsindən sonra neft tədarükünün həcmi 4 milyon tona çata bilər və bu neft Azərbaycanda emal edilə bilər.