Neftin qiyməti ABŞ-da ehtiyatların artması fonunda düşüb

Neftin qiyməti ABŞ-da bu enerji resursunun ehtiyatlarının əhəmiyyətli dərəcədə artması ilə bağlı məlumatların açıqlanmasından sonra cüzi düşüb.

“Report”un məlumatına görə, bunu birjaların məlumatları göstərir.

“Brent” markalı neftin yanvar fyuçersləri 0,46 % ucuzlaşaraq 1 bareli 94,92 dollar təşkil edib. WTI markalı neftin dekabr fyuçerslərinin qiyməti 0,61 % düşərək 1 bareli 88,37 dollar olub.

ABŞ-da neft ehtiyatlarının artması ilə yanaşı, Çində COVID-19 ilə bağlı məhdudiyyətlər hazırda bu enerji resursunun qiymətinə mənfi təsir göstərir.