Neft ucuzlaşıb

Dünya bazarında neftin qiyməti düşüb.

“Report” birjalara istinadən xəbər verir ki, Şimal dənizində hasil olunan “Brent” neftinin dekabr fyuçersləri 0,43 % ucuzlaşaraq 1 bareli 95,78 ABŞ dollarına satılıb. WTI neftinin noyabr fyuçerslərinin qiyməti 0,57 % düşüb və 1 bareli 90,61 ABŞ dolları təşkil edib.

İnvestorlar qlobal tənzimləyicilərin “aqressiv” hərəkətlərinin qlobal iqtisadi aktivliyin azalmasına və qlobal resessiyanın başlanğıcına səbəb olacağından narahatdırlar. Bu isə öz növbəsində “qara qızıl”a tələbatın azalmasına səbəb ola bilər.