Yuxarı

“Neft Daşları” yatağında yeni quyu istismara verilib

Quyu gündəlik 14 ton neft hasilatı ilə istismar fonduna qəbul edilib

Bakı. 24 yanvar. REPORT.AZ/ “Neft Daşları” yatağındakı 2150 nömrəli stasionar dəniz özülündən 2364 nömrəli quyu qazmadan sonra istismara verilib.

"Report" Azərbaycan Dövlət Neft Şirkətinə (SOCAR) istinadən xəbər verir ki, Kompleks Qazma İşləri Tresti tərəfindən Girməkiüstü qumlu lay dəstəsinə qazılan quyu qazlift üsulu ilə məhsul verib, 1 645-1 637 metr intervaldan gündəlik 14 ton neft hasilatı ilə istismar fonduna qəbul edilib. 

Qeyd edək ki, quyu “Azneft” İstehsalat Birliyinin “Neft Daşları” Neft və Qazçıxarma İdarəsinin sifarişi ilə qazılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi