​"Neft Daşları"nda yeni quyu istismara verilib

Bakı. 18 dekabr. REPORT.AZ/ Azərbaycanın “Neft Daşları” yatağında 2 150 nömrəli stasionar dəniz özülündən 2 151 nömrəli quyu qazmadan sonra istismara verilib. Bu barədə "Report"a Azərbaycan Dövlət Neft Şirkətindən məlumat verilib.

Kompleks Qazma İşləri Tresti tərəfindən Qirməkiüstü Qumlu Lay Dəstəsinə qazılan quyu 1 656-1 645 metr intervaldan sutkalıq 20 ton neft hasilatı ilə istismar fonduna qəbul edilib.

Qeyd edək ki, quyu “Neft Daşları” NQÇİ-nin sifarişi ilə qazılıb.