Yuxarı

​Monteneqro TAP-a qoşula bilər

Monteneqro TAP-ın qolu ilə əlaqələndiriləcək

Bakı. 24 avqust. REPORT.AZ/ Monteneqronun Trans-Adriatik Boru Kəməri (TAP) layihəsinə qoşulması məsələsi avqustun sonunda Vyanada (Avstriya) Balkan ölkələrinin rəsmilərinin görüşündə müzakirə ediləcək. "Report" xəbər verir ki, bu barədə Monteneqronun "Dnevne Novine" gündəlik qəzeti məlumat yayıb.

Qəzetin məlumatına görə, bu kəmərin tikintisi təkcə Monteneqro deyil, bütün region ölkələri üçün əhəmiyyətlidir: "Monteneqro TAP-ın qolu ilə əlaqələndiriləcək".

Qeyd edək ki, Adriatik-İon dənizləri Qaz Kəmərinin Bosniya və Herseqovina və Monteneqro vasitəsilə Xorvatiyadan Albaniyaya çəkilməsi üçün 700 mln. avro tələb olunur.

Xatırladaq ki, TAP layihəsində BP, SOCAR və "Statoil"in hər birinin 20%, "Fluxys"in 19%, "Enagas"ın 16% və "Axpo"nun 5% iştirak payı var.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi