IEA: Azərbaycan mayda "OPEC+" kvotasından gündəlik 110 min barel geri qalıb

Azərbaycanda neft hasilatı may ayında gündəlik 440 min barel təşkil edib.

Bu barədə "Report" Beynəlxalq Enerji Agentliyinin (IEA) aylıq hesabatına istinadən xəbər verir.

Məlumata görə, bu, aprel ayı ilə müqayisədə 10 min barel və ya 2,2 % az olub.

IEA analitiklərinin hesablamalarına görə, Azərbaycanın may ayında neft hasilatı "OPEC+" sazişi çərçivəsində planda nəzərdə tutulandan gündəlik 110 min barel geri qalıb.

Azərbaycanın "OPEC+" sazişi çərçivəsində bu il üçün neft hasilatı kvotası gündəlik 551 min barel təşkil edir.