İtaliyalı nazir: "TAP bizim üçün ən böyük enerji layihəsi hesab olunur"

Bakı. 23 fevral. REPORT.AZ/ Azərbaycanda hasil olunan təbii qazı Avropaya nəql edəcək Trans-Adriatik Boru Kəməri (TAP) layihəsi İtaliya üçün böyük əhəmiyyət kəsb edir. 

"Report" xəbər verir ki, bunu Bakıda səfərdə olan İtaliyanın iqtisadi inkişaf naziri Karlo Kalenda jurnalistlərə bildirib. 

Nazir qeyd edib ki, TAP-la bağlı İtaliyada işlər davam etdirilir: "Bu layihə bizim üçün prioritetdir. Belə böyük infrastruktur layihəsi həyata keçirilərkən həmişə yerli rəsmilərlə müəyyən müzakirələr aparılır. Bu layihə davam edir və irəliləyir". 

"TAP bizim üçün ən böyük enerji layihəsi hesab olunur", - deyə K.Kalenda bildirib.